Dandina Mariyamma Temple Madikeri Dasara ದಂಡಿನ ಮಾರಿಯಮ್ಮ ದಸರಾ ಸಮಿತಿ

ಐತಿಹಾಸಿಕ ಮಡಿಕೇರಿ ದಸರಾ ಉತ್ಸವದಲ್ಲಿ ಮೂರನೆಯ ಮಂಟಪವಾಗಿ ಗಮನ ಸೆಳೆಯುವ ದಂಡಿನ ಮಾರಿಯಮ್ಮ ದಸರಾ ಸಮಿತಿಯು ಕಳೆದ 93 ವರ್ಷಗಳಿಂದ ದಸರಾ ಉತ್ಸವವನ್ನು ಆಚರಿಸಿಕೊಂಡು ಬರುತ್ತಿದೆ.

ಮಡಿಕೇರಿ ಕೋಟೆಯ ಬಲ ಭಾಗದಲ್ಲಿರುವ ದೇಗುಲವೇ ಶ್ರೀ ದಂಡಿನ ಮಾರಿಯಮ್ಮ ದೇಗುಲ. ಇದಕ್ಕೆ ಸುಮಾರು ಎರಡು ಶತಮಾನಗಳ ಇತಿಹಾಸವಿದೆ. ಅಂದು ಕೊಡಗಿನ ರಾಜ ಪ್ರತಿಷ್ಠಾಪಿಸಿದ ಶಕ್ತಿ ದೇವತೆಗಳ ಪೈಕಿ ಈ ದೇಗುಲವೂ ಒಂದು. ರಾಜನು ದಂಡಿಗೆ (ಯುದ್ಧಕ್ಕೆ) ಹೊರಡುವಾಗ ಈ ದೇವಿಯೊಡನೆ ಸಮಾಲೋಚಿಸಿ, ಆಕೆಯ ಆಶೀರ್ವಾದ ಪಡೆದುಕೊಂಡೇ ಹೊರಡುತ್ತಿದ್ದರು ಎಂಬ ಪ್ರತೀತಿ ಇದೆ. ಪಾರ್ವತಿಯ ಸ್ವರೂಪಿಯಾಗಿರುವ ದೇವಿಯ ಕೈಯಲ್ಲಿ ತ್ರಿಶೂಲ ಮತ್ತು ಡಮರುಗವನ್ನು ಮತ್ತು ಇನ್ನಿತರ ಶಸ್ತ್ರಾಸ್ತ್ರಗಳನ್ನು ಹಿಡಿದುಕೊಂಡು ರಾರಾಜಿಸುತ್ತಿದ್ದಾಳೆ. ಪ್ರಸ್ತುತ ಗರ್ಭಗುಡಿಯಲ್ಲಿರುವ ವಿಗ್ರಹವೇ ಮೂಲ ವಿಗ್ರಹವಾಗಿದೆ. ದೇಗುಲದ ಎದುರಿನಲ್ಲಿರುವ ಪವಿತ್ರ ಅರಳಿ ಮರವು ಪುರಾತನವಾದದ್ದು. ಇದಕ್ಕೆ ಅಶ್ವಥ ಉಪನಯನವನ್ನು ನೆರವೇರಿಸಲಾಗಿದೆ. ದೇಗುಲದ ಹಿಂಭಾಗದಲ್ಲಿ ನಾಗನ ವಿಗ್ರಹವಿದೆ. ಇಲ್ಲಿ ನಾಗನ ಸಂಚಾರವಿದೆ ಎನ್ನುತ್ತಾರೆ ಹಿರಿಯರು.
ಸುಮಾರು 10 ವರ್ಷಗಳ ಹಿಂದೆ ಈ ದೇಗುಲ ನವೀಕರಣಗೊಂಡು, ಇದರ ಗೋಪುರವು ತಿರುಪತಿ ದೇವಸ್ಥಾನದ ಶೈಲಿಯನ್ನು ಹೊಂದಿದೆ. ದೇವಸ್ಥಾನದ ಒಳಭಾಗವು ಮಾರ್ಬಲ್‍ನಿಂದ ಮಾಡಲ್ಪಟಿದಲ್ಲದೆ, `ನವಶಕ್ತಿ’ಯ ವಿಗ್ರಹಗಳ ಪ್ರತಿಷ್ಠಾಪನೆ ಮಾಡಲಾಗಿದೆ. `ನವಶಕಿ’್ತ ಎಂದರೆ ದೇವಿಯ ವಿವಿಧ ರೂಪಗಳು. ನವಶಕ್ತಿ ವಿಗ್ರಹಗಳಿರುವ ಕೊಡಗಿನ ಏಕೈಕ ದೇಗುಲ ಇದಾಗಿದೆ. ದೇಗುಲದಲ್ಲಿ ನಿತ್ಯ ಪೂಜೆಯು ನೆರವೇರುತ್ತದೆ. ಈ ದೇವಾಲಯದ ಪೂಜೆಯನ್ನು ಗೌಳಿ (ಯಾದವ) ಜನಾಂಗದವರು ನೆರವೇರಿಸುತ್ತಾರೆ.

ಶ್ರೀ ದಂಡಿನ ಮಾರಿಯಮ್ಮ ದೇವಾಲಯ ಮತ್ತು ದಂಡಿನ ಮಾರಿಯಮ್ಮ ದಸರಾ ಸಮಿತಿ ಸಮಿತಿಯ ಬಗೆಗಿನ ಹೆಚ್ಚಿನ ಮಾಹಿತಿ ಲಭ್ಯವಿದ್ದಲ್ಲಿ ನಮ್ಮ ವಾಟ್ಸಪ್ ನಂ. 94830 47519 ಅಥವಾ ನಮ್ಮ ಇ-ಮೇಲ್ searchcoorg@gmail.com ವಿಳಾಸಕ್ಕೆ ಕಳಿಹಿಸಿಕೊಡಿ.

ಮಡಿಕೇರಿ ದಸರಾ 2024ರ ಹೆಚ್ಚಿನ ಮಾಹಿತಿಗಾಗಿ ಡೌನ್‌ಲೋಡ್‌ ಮಾಡಿ ಸರ್ಚ್‌ ಕೂರ್ಗ್‌ App ಅಥವಾ ಇಲ್ಲಿ ಕ್ಲಿಕ್‌ ಮಾಡಿ

Download Now…

88 ನೇ ವರ್ಷ ಆಚರಣೆ
ಕಥೆ: ಆದಿ ಶಕ್ತಿಯಿಂದ ಶುಂಭ ನೀಶುಂಭರ ಸಂಹಾರ
ಅಧ್ಯಕ್ಷರು: ಸಿ.ಎಸ್.ರಂಜಿತ್ ಕುಮಾರ್(ವಕೀಲರು)
ಕಥಾ ನಿರ್ವಹಣೆ: ರಂಜಿತ್ ಮತ್ತು ತಂಡ
ಸ್ಟುಡಿಯೋ ಸೆಟ್ಟಿಂಗ್ : ಡಿ.ಕೆ.ಪ್ರೋ, ಬೆಂಗಳೂರು
ಆರ್ಚ್ ಲೈಟಿಂಗ್ ಬೋರ್ಡ್: ನಜೀರ್ ಪೂಜಾ ಲೈಟಿಂಗ್ಸ್ ಮಡಿಕೇರಿ
ಸೌಂಡ್ಸ್ : ಡಿ.ಜೆ. ಕ್ರೀವ್ ಹರ್ಷ
ಒಟ್ಟು ಕಲಾಕೃತಿಗಳು: 6
ಒಟ್ಟು ವೆಚ್ಚ: 8 ಲಕ್ಷ
ಫ್ಲಾಟ್‍ಫಾರಂ ಸೆಟ್ಟಿಂಗ್ ಮತ್ತು ಚಲನವಲನ: ಸಮಿತಿ ಮತ್ತು ತಂಡ
ಒಟ್ಟು ಸದಸ್ಯರು: 120
ಟ್ರ್ಯಾಕರ್ ಸೆಟ್ಟಿಂಗ್ : ಹೇಮು ಮತ್ತು ತಂಡ
ಕಲಾಕೃತಿ ನಿರ್ಮಾಣ: ಮಹದೇವಪ್ಪ ಮತ್ತು ಮಕ್ಕಳು, ಹುದುಬೂರು

ಕಥೆ: ಚಾಮುಂಡೇಶ್ವರಿಯಿಂದ ಮಹಿಷಾಸುರನ ವಧೆ
ಅಧ್ಯಕ್ಷರು: ಸುರೇಶ್.ಬಿ.ಕೆ
ಆರ್ಚ್ ಲೈಟಿಂಗ್ಸ್ ಬೋರ್ಡ್: ಜಾನ್ ಎಲೆಕ್ಟ್ರೋನಿಕ್ಸ್ ದಿಂಡ್‍ಕಲ್.
ಒಟ್ಟು ಕಲಾಕೃತಿಗಳು: 20
ಒಟ್ಟು ವೆಚ್ಚ: 14 ಲಕ್ಷ
ಕಥಾ ನಿರ್ವಹಣೆ: ಮಂಟಪ ಸಮಿತಿ
ಸ್ಟುಡಿಯೋ ಸೆಟ್ಟಿಂಗ್ಸ್: ಬೆಂಗಳೂರು
ಫ್ಲಾಟ್‍ಫಾರಂ ಸೆಟ್ಟಿಂಗ್: ಮಂಟಪ ಸಮಿತಿ
ಟ್ರ್ಯಾಕ್ಟರ್ ಸೆಟ್ಟಿಂಗ್ಸ್: ಹೇಮು ಮತ್ತು ತಂಡ, ಮಡಿಕೇರಿ
ಚಲನವಲನ: ಹೇಮು ಮತ್ತು ತಂಡ ಮತ್ತು ಮಂಟಪ ಸಮಿತಿ
ಸೌಂಡ್ಸ್: ಜಾನ್ ಸೌಂಡ್ಸ್, ದಿಂಡ್‍ಕಲ್
ಕಲಾಕೃತಿ ನಿರ್ಮಾಣ: ಮಹದೇವಪ್ಪ
ಒಟ್ಟು ಸದಸ್ಯರು: 200