🐘 ಮಡಿಕೇರಿಯಲ್ಲಿ ‘ಮಿನಿ ದಸರಾ’ ವೈಭವ: ಶಾಂತಿನಿಕೇತನ ಯುವಕ ಸಂಘದಿಂದ ರೋಮಾಂಚಕ ‘ನೂಪುರಾಸುರ ಸಂಹಾರ’ ಮಂಟಪ! 🎉 Shanthinikethana Youth Club, Madikeri ಶಾಂತಿನಿಕೇತನ ಯುವಕ ಸಂಘ, ಮಡಿಕೇರಿ
ಸರ್ಚ್‌ ಕೂರ್ಗ್‌ ಸುದ್ದಿ ಅಪ್ಡೇಟ್ಸ್
ಕೊಡಗಿನ ಕ್ಷಣ ಕ್ಷಣದ ಮಾಹಿತಿಗಾಗಿ ನಮ್ಮೊಂದಿಗೆ ಇರಿ
ಶಾಂತಿನಿಕೇತನ ಯುವಕ ಸಂಘ 48 ನೇ ವರ್ಷದ ಅದ್ಧೂರಿ ಗಣೇಶೋತ್ಸವ
ಸಂಪೂರ್ಣ ಭಕ್ತಿ ಮತ್ತು ಸಂಭ್ರಮದಿಂದ
ದಿನಾಂಕ: 14-09-2026ನೇ ಸೋಮವಾರದಿಂದ
26-09-2026ನೇ ಶನಿವಾರದವರೆಗೆ
ಮಡಿಕೇರಿ ನಗರದ ಮೈಸೂರು ರಸ್ತೆಯ ಕೆ.ಎಸ್.ಆರ್.ಟಿ.ಸಿ ಬಸ್ ಡಿಪೋದ ಬದಿಯಲ್ಲಿರುವ ಶಾಂತಿನಿಕೇತನ ಬಡಾವಣೆಯಲ್ಲಿ ಕಳೆದ 46 ವರ್ಷಗಳಿಂದ ಗಣೇಶೋತ್ಸವವನ್ನು ಆಚರಿಸಿಕೊಂಡು ಬರುತ್ತಿರುವ ಶಾಂತಿನಿಕೇತನ ಯುವಕ ಸಂಘವು ಈ ವರ್ಷ ಮಡಿಕೇರಿ ದಸರಾ ದಶಮಂಟಪಗಳಿಗೆ ಸರಿ ಸಮನಾದ ಮಂಟಪವನ್ನು ಹೊರಡಿಸುವ ಸಿದ್ದತೆಯಲ್ಲಿದೆ. ವರ್ಷದಿಂದ ವರ್ಷಕ್ಕೆ ಭಿನ್ನ-ವಿಭಿನ್ನ ರೀತಿಯಲ್ಲಿ ಗಣೇಶನ ಮತ್ತು ಇತರ ಕಲಾಕೃತಿಗಳನ್ನು ಪ್ರತಿಷ್ಠಾಪಿಸಿ ಜನರ ಮೆಚ್ಚುಗೆಗೆ ಪಾತ್ರವಾಗಿರುವ ‘ಶಾಂತಿನಿಕೇತನ ಯುವಕ ಸಂಘ’ವು ಈ ಬಾರಿ ದಸರಾ ದಶಮಂಟಪಗಳಿಗೆ ಸರಿಸಾಟಿಯಾದ ಮಂಟಪವನ್ನು ಇಳಿಸಿ ದಸರಾ ದಶಮಂಟಪಗಳ ಹುಬ್ಬೆರಿಸುವಂತೆ ಮಾಡುವ ತವಕದಲ್ಲಿದೆ.
🐘 ಮಡಿಕೇರಿಯಲ್ಲಿ ‘ಮಿನಿ ದಸರಾ’ ವೈಭವ: ಶಾಂತಿನಿಕೇತನ ಯುವಕ ಸಂಘದಿಂದ ರೋಮಾಂಚಕ ‘ನೂಪುರಾಸುರ ಸಂಹಾರ’ ಮಂಟಪ! 🎉
ಮಡಿಕೇರಿ: ಇಬ್ಬನಿಯ ನಗರಿ ಮಡಿಕೇರಿಯಲ್ಲಿ ದಸರಾ ಹಬ್ಬದ ರಂಗು ಕಳೆಗಟ್ಟುವ ಮುನ್ನವೇ ‘ಮಿನಿ ದಸರಾ’ ಸಂಭ್ರಮ ಮನೆಮಾಡಿದೆ. ಶಾಂತಿನಿಕೇತನ ಯುವಕ ಸಂಘದ 48ನೇ ವರ್ಷದ ಅದ್ದೂರಿ ಗಣೇಶೋತ್ಸವ ಶೋಭಾಯಾತ್ರೆಗೆ ಕ್ಷಣಗಣನೆ ಆರಂಭವಾಗಿದ್ದು, ವಿರಾಟ್ ರೂಪಿ ಗಣಪತಿಯಿಂದ ರಾಕ್ಷಸ ನೂಪುರಾಸುರನ ಸಂಹಾರದ ಕಥಾಹಂದರ ಹೊತ್ತ ಚಲಿಸುವ ದೃಶ್ಯವೈಭವದ ಮಂಟಪ ಜನಮನ ಸೂರೆಗೊಳ್ಳಲು ಸಜ್ಜಾಗಿದೆ! 🌟
📖 ಮಂಟಪದ ಕಥಾಹಂದರ: ನೂಪುರಾಸುರ ಸಂಹಾರದ ರೋಚಕತೆ
‘ನೂಪುರ’ ಎಂದರೆ ಕಾಲ್ಗೆಜ್ಜೆ ಎಂದರ್ಥ. ಗೆಜ್ಜೆಯ ದಿವ್ಯ ನಾದದಿಂದಲೇ ಉದ್ಭವಿಸಿದ ರಾಕ್ಷಸನೇ ನೂಪುರಾಸುರ. ಪುರಾಣ ಕಥೆಯ ಪ್ರಕಾರ, ಭಗವಾನ್ ಗಣೇಶನು ಕೈಲಾಸದಲ್ಲಿ ಆನಂದದಿಂದ ಓಂಕಾರ ನೃತ್ಯ ಮಾಡುತ್ತಿದ್ದ ಸಮಯದಲ್ಲಿ, ತ್ರಿಲೋಕಗಳನ್ನು ಜಯಿಸುವ ದುರಾಸೆಯಿಂದ ಈ ರಾಕ್ಷಸನು ದುಂಬಿಯ ರೂಪ ತಾಳಿ ಗಣಪತಿಯ ಕಾಲಿನ ಗೆಜ್ಜೆಯೊಳಗೆ ನುಸುಳಿ ಆತನನ್ನು ಮಾಯಾಲೋಕಕ್ಕೆ ಅಪಹರಿಸುತ್ತಾನೆ.
ತನ್ನ ಮಾಯಾಜಾಲದಿಂದ ಗಣಪತಿಯನ್ನು ಬಂಧಿಸಲು ಯತ್ನಿಸಿದ ಅಸುರನ ಹುನ್ನಾರವನ್ನು ಭೇದಿಸಿ, ಪರಶಿವ ಮತ್ತು ಪಾರ್ವತಿಯರ ಆದೇಶದಂತೆ ಗಣಪತಿಯು 15ನೇ ಅವತಾರವಾದ ‘ನೃತ್ಯ ಗಣಪತಿ’ಯ ರೂಪ ತಾಳಿ, ಶಿವತಾಂಡವ ನೃತ್ಯದ ಮೂಲಕ ರಾಕ್ಷಸನನ್ನು ಮರ್ಧನ ಮಾಡಿ ಸಂಹರಿಸುತ್ತಾನೆ. ಈ ದೈವಿಕ ಹಾಗೂ ರೋಮಾಂಚಕ ಕಥೆಯನ್ನು ಬೆಳಕಿನ ಸಂಯೋಜನೆ ಹಾಗೂ ಚಲಿಸುವ ಕಲಾಕೃತಿಗಳ ಮೂಲಕ ಮಂಟಪದಲ್ಲಿ ಜೀವಂತಗೊಳಿಸಲಾಗಿದೆ! ✨🪓
"ನಮ್ಮ ತಂದೆಯವರಾದ ದಿವಂಗತ ಪಿ. ಕೆ. ಅಣ್ಣು ಅವರ ಸವಿನೆನಪು ಮತ್ತು ಮಾರ್ಗದರ್ಶನದಲ್ಲಿ ನಾವೆಲ್ಲರೂ ಈ ಕಲೆಯನ್ನು ಮುಂದುವರಿಸುತ್ತಿದ್ದೇವೆ. 48ನೇ ವರ್ಷಕ್ಕೆ 20ಕ್ಕೂ ಹೆಚ್ಚು ಕಲಾಕೃತಿಗಳನ್ನು ಸ್ಥಳೀಯ ಸಂಘದ ಹುಡುಗರೇ ಸೇರಿ ಮಾಡಿದ್ದೇವೆ. ಮುಂಬರುವ 50ನೇ ವರ್ಷದ ಸುವರ್ಣ ಮಹೋತ್ಸವಕ್ಕೆ ಇಂದಿಗಿಂತ ಮೂರು ಪಟ್ಟು ದೊಡ್ಡ ಮಟ್ಟದಲ್ಲಿ ಸಿದ್ಧತೆ ಕೈಗೊಳ್ಳುವ ಸಂಕಲ್ಪ ನಮ್ಮದು."
— ಪಿ. ಎ. ರವಿ, ಪ್ರಧಾನ ಕಲಾವಿದರು 🎨
🚶♂️ ಶೋಭಾಯಾತ್ರೆಯ ಮಾರ್ಗ ಮತ್ತು ಪ್ರದರ್ಶನದ ಸಮಯ
ಸಂಘದ ಅಧ್ಯಕ್ಷರಾದ ಚೇತನ್ ಅವರು ತಿಳಿಸಿರುವಂತೆ, ಶನಿವಾರ ಸಂಜೆ ಮೆರವಣಿಗೆ ಆರಂಭವಾಗಲಿದ್ದು ನಗರದ ಪ್ರಮುಖ ತಾಣಗಳಲ್ಲಿ ಜನರಿಗೆ ಮಂಟಪದ ಕಲಾ ಪ್ರದರ್ಶನ ಸಿಗಲಿದೆ:
🎬 ಸಾಮಾಜಿಕ ಜಾಲತಾಣಗಳಲ್ಲಿ ಮಂಟಪದ ಝಲಕ್ (Instagram Reels)
ತಯಾರಿಯ ರೋಮಾಂಚಕ ದೃಶ್ಯಗಳು ಮತ್ತು ಕಲಾಕೃತಿಗಳ ಚಲನವಲನದ ವಿಶೇಷ ವೀಡಿಯೊ ತುಣುಕುಗಳು ಇಲ್ಲಿವೆ:
ಯಾವುದೇ ಅಹಿತಕರ ಘಟನೆಗಳಿಗೆ ಆಸ್ಪದ ನೀಡದೆ, ಶಿಸ್ತಿನಿಂದ ಮೆರವಣಿಗೆಯಲ್ಲಿ ಪಾಲ್ಗೊಂಡು ಸ್ಥಳೀಯ ಯುವಕರ ಕಲಾ ನೈಪುಣ್ಯಕ್ಕೆ ಪ್ರೋತ್ಸಾಹ ನೀಡಿ ಯಶಸ್ವಿಗೊಳಿಸಿ! 🙌🌺
ಮಂಟಪವನ್ನು ಸಂಘದ ಅಧ್ಯಕ್ಷ ಚೇತನ್‌ರವರ ಮಾರ್ಗದರ್ಶನದಲ್ಲಿ ಕಲಾವಿದರಾಗಿದ್ದ ದಿ.ಅಣ್ಣುರವರ ಪುತ್ರ ಕಲಾವಿದ ರವಿಯವರು ಕಲಾಕೃತಿಯನ್ನು ನಿರ್ಮಿಸಿದ್ದಾರೆ. ಕಲಾವಿದ ರವಿಯರ ಕೈಚಳಕದಲ್ಲಿ ಇಲ್ಲಿಯವರೆಗೆ ದಸರಾ, ಗಣೇಶೋತ್ಸವ, ಕಾವೇರಿ ಸಂಕ್ರಮಣದ ಮಂಟಪ, ಮಡಿಕೇರಿ ರಾಜರಾಜೇಶ್ವರಿ ನಗರದ ರಾಜರಾಜೇಶ್ವರಿ ದೇವಾಲಯದ ಆವರಣದಲ್ಲಿ ನಿರ್ಮಿಸಲಾದ ಬೃಹತ್ ಶಿವಾಲಯ ಮುಂತಾದ ಹತ್ತು ಹಲವು ಕಲಾಕೃತಿಗಳು ನಿರ್ಮಾಣಗೊಂಡಿದೆ. ರವಿಯವರೊಂದಿಗೆ ಸಹ ಕಲಾವಿದರ ತಂಡ ಸತತ 3 ತಿಂಗಳಿಂದ ಶ್ರಮ ವಹಿಸಿ ಕಥಾ ಹಂದರದ ಕಲಾಕೃತಿಗಳನ್ನು ನಿರ್ಮಿಸಿದ್ದಾರೆ.
ಶಾಂತಿನಿಕೇತನ ಯುವಕ ಸಂಘದ ಕಳೆದ 47 ವರ್ಷಗಳ ಭವ್ಯ ಕಲಾಕೃತಿಯ ಮಂಟಪವು ಜನ-ಮನ ಸೂರೆಗೊಂಡು ಪ್ರಶಂಸೆಗೆ ಪಾತ್ರವಾಗಿದ್ದು, ಒಂದು ರೀತಿಯಲ್ಲಿ ಶಾಂತಿನಿಕೇತನ ಯುವಕ ಸಂಘದ ಗಣೇಶೋತ್ಸವ ಕೂಡಾ ಮಡಿಕೇರಿಯ ದಸರಾ ಜನೋತ್ಸವಕ್ಕೆ ಸರಿಸಾಟಿಯಾಗಿ ನಿಲ್ಲುವುದರತ್ತ ತನ್ನ ಹೆಜ್ಜೆಯನ್ನಿರಿಸುವುದು ಶ್ಲಾಘನೀಯ. ಇದೆಲ್ಲದಕ್ಕೂ ಶಾಂತಿನಿಕೇತನ ಯುವಕ ಸಂಘದ ಅಧ್ಯಕ್ಷರಾದ ಶ್ರಿ ಚೇತನ್ ಮತ್ತು ಬಳಗದ ಪ್ರತಿಯೊಬ್ಬ ಸದಸ್ಯರ ಶ್ರಮವಿದೆ. ಇವರ ಈ ಜನ ಮನೋರಂಜನೆಯ ಗಣೇಶೋತ್ಸವವು ಮುಂದಿನ ವರ್ಷಗಳಲ್ಲಿ ಇನ್ನಷ್ಟು ವಿಭಿನ್ನ ರೀತಿಯಲ್ಲಿ ಮೂಡಿ ಬಂದು ಜನರ ಮನೋರಂಜನೆಗೆ ಸಾಕ್ಷಿಯಾಗಲಿ ಎಂಬುದೇ ನಮ್ಮೆಲ್ಲರ ಆಶಯವಾಗಿದೆ.
✦ ಶ್ರೀ ವಿನಾಯಕ ಕೃಪೆ ✦
🔔
|| ಶ್ರೀ ಸಿದ್ಧಿ ವಿನಾಯಕ ಪ್ರಸನ್ನ ||
ಶಾಂತಿನಿಕೇತನ ಯುವಕ ಸಂಘ
ಮಡಿಕೇರಿ, ಕೊಡಗು ಜಿಲ್ಲೆ
🔔
ನೇ ವರ್ಷದ ಅದ್ದೂರಿಯ ಗಣೇಶೋತ್ಸವ
ಸದ್ಭಕ್ತ ಬಾಂಧವರೇ,
ಸ್ವಸ್ತಿಶ್ರೀ ಶಾಲಿವಾಹನ ಶಕೆ ೧೯೪೮ ನೇ
ಪರಾಭವ ನಾಮ ಸಂವತ್ಸರದ ಭಾದ್ರಪದ ಮಾಸ ಶುಕ್ಲ ಪಕ್ಷ ಚತುರ್ಥಿ ದಿನ
14-09-2026 ಸೋಮವಾರ ಬೆಳಿಗ್ಗೆ 11-00 ಗಂಟೆಗೆ
ಶಾಂತಿನಿಕೇತನ ಬಡಾವಣೆಯಲ್ಲಿ ಶ್ರೀ ಗಣಪತಿ ಹೋಮದೊಂದಿಗೆ
ಶ್ರೀ ಮಹಾ ಗಣಪತಿ ಮೂರ್ತಿ ಪ್ರತಿಷ್ಠಾಪನೆ ಮತ್ತು ಮಹಾಪೂಜೆ ನಡೆಯಲಿದೆ.
ನಂತರ ಪ್ರತಿ ದಿನ ಸಂಜೆ 8-00 ಗಂಟೆಯಿಂದ ಭಜನೆ ಮತ್ತು ಮಹಾಪೂಜೆ ನಡೆಯಲಿದೆ.
ದಿನಾಂಕ 24-09-2026ನೇ ಗುರುವಾರ ಸಂಜೆ
7-00 ಗಂಟೆಗೆ
ಸಾಮೂಹಿಕ ರಂಗಪೂಜೆ
ಏರ್ಪಡಿಸಲಾಗಿದೆ.
ದಿನಾಂಕ 26-09-2026ನೇ ಶನಿವಾರ ದಂದು ಮಹಾ ಪೂಜೆಯ ನಂತರ
ಶ್ರೀ ಮಹಾ ಗಣಪತಿ ಮೂರ್ತಿಯನ್ನು ಕಥಾ ಸಾರಾಂಶವುಳ್ಳ ಅಲಂಕೃತ ಮಂಟಪದಲ್ಲಿ
ಅದ್ದೂರಿ ಶೋಭಾಯಾತ್ರೆಯೊಂದಿಗೆ ಮಡಿಕೇರಿಯ ಮುಖ್ಯ ಬೀದಿಗಳಲ್ಲಿ ಕೊಂಡೊಯ್ದು,
ಗೌರಿ ಕೆರೆಯಲ್ಲಿ ವಿಸರ್ಜಿಸಲಾಗುವುದು.
ಭಗವದ್‌ಭಕ್ತರು ಅಧಿಕ ಸಂಖ್ಯೆಯಲ್ಲಿ ಈ ಎಲ್ಲಾ ದೇವತಾ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡು ತನು, ಮನ, ಧನ ಸಹಾಯ ನೀಡಿ ಸಹಕರಿಸಿ ಶ್ರೀ ವಿನಾಯಕನ ಕೃಪೆಗೆ ಪಾತ್ರರಾಗಬೇಕಾಗಿ ವಿನಂತಿ.
ಸರ್ವ ಭಕ್ತಾದಿಗಳಿಗೂ ಆದರದ ಸುಸ್ವಾಗತ
ಅಧ್ಯಕ್ಷರು ಮತ್ತು ಕಾರ್ಯಕಾರಿ ಸಮಿತಿ
ಶಾಂತಿನಿಕೇತನ ಯುವಕ ಸಂಘ (SKYC), ಮಡಿಕೇರಿ
ಆಡಳಿತ ಮಂಡಳಿ – ಪದಾದಿಕಾರಿಗಳು ಹಾಗು ಸದಸ್ಯರುಗಳು
ಸಂದರ್ಶನ:
